جــيـــتــي سـفـيـنـه عـلـى الــخــفّـــاق مرســاهــــا

يا لدغة الشوق بين الوصل وجفاها

لا توقدي في فؤاد مفارقك جمره

العين تجفا المنام وينتثر ماها

والعود ينحل . وقال الزاد في تمره

حاله مريره ثلاث ايام عاناها

لا ما جنى من غروس الطيب لو ثمره

علّمتي القلب ابياتك وغناها

لين استحى من كلام الناس في أمره

ماكنت اظن الكذب ينقال من فاها

ما كنت اظنّه يبيع الشوق والعشره

جيتي سفينه على الخفّــاق مرساها

واصبح وجودك هناه وغمرت الغمره

فجأه وجودك عروق الشوق اضماها

وتكسّرت من فراقك واشتكى صبره

كم من عهود ن على ما كان صغناها

فيها كلامك رزين وصافي النبره

واليوم عفتي دقايقنا ولا ماها

واخفيتي الحرف قبل يسامر النظره

والله على اللي تمنن في عطاياها

تندم وتقعد تراجع فارق الخبره

لا ماخذلت المحبه يوم عشناها

وانزف لك الشعر واسكب لك من القمره

خذ ما بقى من كلامي يوم عفناها

ايامك الي ختمت وداعها حسره

وادري يدينك لغيري تجزل دفاها

وتسدّي الثغر لكن ترجع الثغره

يا لدغة الشوق بين الوصل وجفاها

طاب الفؤاد وعيونك تصدق العبره

شكرا لك على الطرح المميز

تسلم اياديك

وجزاك الله خير

شكرا لك على الطرح المميز

شكرا لك على الموضوع الجميل و المفيد ♥
جزاك الله الف خير على كل ما تقدمه لهذا المنتدى ♥
ننتظر ابداعاتك الجميلة بفارغ الصبر ♥